Н.В. Гоголь атындағы облыстық әмбебап ғылыми кітапханасында 2019 жылдың 1-31 қаңтар күндері аралығында өтетін мәдени іс-шараларының ақпараттық дайджесті
4 қаңтар (жұма)
Президентіміздің Қазақстан халқына жыл сайынғы Жолдауына арналған кеңейтілген кітап көрмесінің материалдарымен танысуға шақырамыз.
3 қабат, оқу залы
7 қаңтар (дүйсенбі)
Биыл өзінің 80 жылдық мерейтойын жазушы, Қазақстан Республикасының мәдениет қайраткері Кәмел Жүністегі атап өтуде. Жазушының мерейтойына орай «Қаламы тарихтан сыр шерткен» атты кітап көрмесі ұй ымдастырылады.
Қазақстан Республикасының еңбек сіңірген қайраткері, жазушы Кәмел Жүністегі Шет ауданы Ақсу-Аюлы ауылында дүниеге келген. 1956 жылы орта мектепті бітіріп, 1960 жылы Қарағанды педагогикалық институтының тарих факультетіне оқуға түседі. 1977 жылы институтты сырттай аяқтайды.
1960 жылдары Қазақстанда «ЕСЕП», сөзбе сөз айтқанда «Елін сүйген ерлер партиясы» партиясын құрғаны үшін Сібірге жер аударылады. Партия жұмысы 1960-1962 жылдары жүргізілді. Антикеңестік мақаласы үшін жастық шағының төрт жылын түрмеде өткізді.
К.Жүністегі Сарыарқа өлке тарихын зерттеу, насихаттау ісіне қыруар еңбек сіңірді. Өлкетану бойынша көптеген кітаптардың авторы, қазақ және орыс тілдеріндегі «Қарағанды. Қарағанды облысы» энциклопедиясы редакциясының алқа мүшесі. Ол өлкетанушы-тарихшы ретінде танымал.
Кәмел Жүністегі дарыны мен шабыты үшін «Золотая строка» номинациясында облыс әкімінің сыйлығына ие болды, «Құрмет» орденімен, «Мәдениет қайраткері» белгісімен марапатталған, С.Сейфуллин атындағы сыйлықтың лауреаты. Қазақстан Жазушылар одағының мүшесі.
2 қабат, өлкетану бөлімі
11 қаңтар (жұма)
«Педагогикалық оқулар» бағдарламасын жүзеге асыру аясында Тәттімбет атындағы өнер колледжінің ұстаздары мен студенттері үшін Абонемент, мерзімді басылымдар секторы және өнер туралы әдебиеттер бөлімдері бірігіп ұйымдастырған «Ақпараттық бұрылыс» атты Ақпарат күні өтеді.
Тәттімбет атындағы өнер колледжі
17 қаңтар (бейсенбі)
Биылғы жылы республикалық деңгейде қазіргі заманның қазақ әдебиетінің негізін қалаған, ақын, жазушы, мемлекет қайраткері Сәкен Сейфуллиннің 125 жылдығы атап өтіледі.
Кітапханада жыл бойы мерейтойлық датаға арналған іс-шаралар өтеді.
Кітапхана қызметкерлері Сәкен Сейфулиннің мерейтойына орай Көпсалалы гуманитарлық-техникалық колледжінің студенттері үшін портрет-көрмесін ұйымдастырады.
Көпсалалы гуманитарлық-техникалық колледжі
27 қаңтар (жексенбі)
«Әдеби қонақжай» клубының отырысы өтеді. «Как прекрасен книжный мир» атты клуб отырысы 2018 жылдың әдебиет әлеміндегі жаңалықтарын шолуға арналады.
2 қабат, конференц зал
28 қаңтар (дүйсенбі)
Жаңа жылдағы «Жас өлкетанушы» үйірмесінің алғашқы отырысы өтеді. Аталмыш отырыс қаланың 85 жылдығына арналады. Жас өлкетанушылар «Менің қалам 10 жылдан кейін» тақырыбындағы жобаларын ұсынады.
2 қабат, конференц зал
