Жақында кітапханамыздың жанынан құрылған "Жыр-Жауһар" поэзия клубының жетекшісі Жадыра Байбұланованың "Қағаз жүрек" атты жыр жинағы жарық көрген болатын. Ақын өткен жылдың соңында мемлекет және қоғам қайраткері Ж.Тәшенов атындағы "Жылдың үздік ақыны" мүшәйрасында жеңімпаз атанып, кітап шығару құрметіне ие болған еді.

Себелеп тұрса Көктен нұр,

Мен сені сүйген Көктем бұл!

Жанарымдағы сағыныш,

Үзіліп түсті... Мөп-мөлдір!

Көктем келсе, көл тебіреніп, көңіл толқитыны, әркімнің жүрегінде аяулы махаббат сезімі бүр жаратыны жасырын емес... Осыған орай, көктемнің көрікті күнінде, яғни, 14 – сәуір, сағат 15.00-де кітапханамызда

«Жыр-Жауһар жаққан жұлдыздар» атты

Қазіргі ақпараттар нөпірі сананы еріксіз жаулап алып, жаппай жаһандануға бет бұрған тұста күнделікті өмірімізді Ғаламторсыз елестетудің өзі мүмкін болмай қалды. Аяқ аттап баспастан, «айшылық алыс жерлерден жылдам хабар алғызған» аталмыш тораптың пайдасымен қатар, зияны да аз айтылып жүрген жоқ.

Осы орайда, қаңтардың соңғы жексенбісі – «Бүкіләлемдік Ғаламторсыз күн» деп белгіленгенуі де еш негізсіз емес. Жастарды рухани жұтаңдықтан арылтып, әдебиет пен мәдениетті насихаттауды мақсат еткен «Жыр-Жауһар» поэзия клубы да осы айтулы күнді өзгеше өткізуді жоспарлаған болатын.