Қымбатты блог қонақтары!

Кітапханада Фариза Оңғарсынованың шығармашылығына арналған  «Қыз – ғұмырды» жырлай берші, жыр - ғұмыр» атты тамаша әдеби- сазды жыр кеші болып өтті. Бұл кеш бір жағыннан, ақпан айыннан басталған «Бір ел – бір кітап» акциясын қорытындылайтын шаралардың бірі болса, екіншіден халық санасына қозғау салған тартымды шаралардың бірі болды.

19 сәуірде жыл сайынғы дәстүрге айналған «Кітапхана түнінде» кітапхана жанынан құрылған «Жыр-Жауһар» поэзия клубы «Бір ел – бір кітап» акциясын салтанатты түрде ашты. «Мұқағали мен Фаризаның диалогы» поэзиялық қойылыммен ашылған жыр кешіне жас ақындар жақұттай жыр шумақтарымен шашу шашты. Кештің барысында заманымыздың заңғар ақыны Фариза Оңғарсынованың өмірі мен шығармашылығынан деректер оқылып, слайд көрсетіліп, ақынның өлеңдері жатқа айтылды.